Nargiza Abdullayeva: "Onamdan kechirim so‘rayman"
Aktrisa Nargiza Abdullayeva yaqinda "NavoTV 13-studiya" dasturida o‘ta samimiy va shaxsiy fikrlari bilan o‘rtoqlashdi. Bu haqda Zamin.uz xabar berdi.
Dastur boshlovchisi unga: "Onangizdan kechirim so‘rashingiz kerak bo‘lsa, nima uchun kechirim so‘rardingiz?" degan savolni berdi. Bu savolga javoban aktrisa yuragidagini ochiq aytib berdi.
Nargiza Abdullayeva javobida shunday dedi: "Hech kim farishta emas. Bilasizmi, inson eng ko‘p kimga qattiq gapiradi?
Uni tushuna oladigan va ko‘tara oladigan odamlarga. Ba’zan men ham kimdandir alamimni olib, onamga ovozimni ko‘targan paytlarim bo‘lgan.
Juda qattiq emas, lekin baribir baland ovozda gapirgandim. Arzimaydigan odamlar uchun onamdan alamimni olganimni o‘ylab, o‘zimdan uyalaman.
Onamni juda yaxshi ko‘raman va chin dildan qadrlayman. Aynan shu sababdan onamdan kechirim so‘rayman." Aktrisaning bu samimiy e’tirofi ko‘pchilikning qalbiga yetib bordi.
U bu gaplari orqali nafaqat onasidan, balki jamiyatdan ham bir saboq berdi. Onaning qadriga yetish, unga baland ovozda gapirmaslik va har bir onaning hurmatga loyiq ekanini eslatdi.
Nargizaning ochiqchasiga qilgan bu e’tirofi ijtimoiy tarmoqlarda katta muhokamalarga sabab bo‘ldi. Ko‘plab odamlar uning samimiyligini qadrlab, ushbu mavzuni keng muhokama qildilar.
