Sevinch Mo‘minovaning ismi qanday tanlangani ma’lum bo‘ldi
Xonanda Sevinch Mo‘minova yaqinda "Shirchoy" ko‘rsatuvida qiziqarli savolga javob berdi. Bu haqda Zamin.uz xabar berdi.
Boshlovchi undan: "Ismingizni kim qo‘ygan va nega aynan Sevinch deb tanlangan?" — deb so‘radi. Sevinch Mo‘minova bu savolga samimiy javob berib, ismi bilan bog‘liq qiziqarli voqeani hikoya qildi.
Uning aytishicha, ismini onasi tanlagan. Ota-onasi ikkilanib, "Sevinch" yoki "Marjona" ismlaridan birini qo‘yishni o‘ylashgan.
Har ikkala ism ham ularga yoqib, qaysi birini tanlashni bilmay, kichik bir o‘yin o‘tkazishgan. Bir narsaga ikkita ism yozib, uch marta otib ko‘rishgan.
Har safar "Sevinch" ismi chiqqan. Xonandaning so‘zlariga ko‘ra, ota-onasi: "Sevinch ismli qizimiz hayotimizga baxt va sevinch olib kelsin", deb uni Sevinch deb atashga qaror qilishgan.
Bu samimiy hikoya tomoshabinlar va muxlislar orasida katta qiziqish uyg‘otdi. Ko‘pchilik Sevinch Mo‘minovaning ismi tasodifan tanlanmaganini, aksincha, bu qaror taqdirning o‘zidan belgilangan kabi tuyulishini ta’kidlashdi.
