Shaxriyor Baxtiyorov o‘g‘il farzandli bo‘ldi
Aktyor va bloger Shaxriyor Baxtiyorov hamda uning rafiqasi Zilola Baxtiyorova ikkinchi bor ota-ona bo‘lish baxtiga muyassar bo‘lishdi. Bu haqda Zamin.uz xabar berdi.
Ushbu quvonchli xabarni Zilola Baxtiyorova o‘zining ijtimoiy tarmoqdagi sahifasi orqali ma’lum qildi. U 14-dekabr kuni o‘g‘il farzandli bo‘lishgani haqida e’lon qildi.
Shaxriyor Baxtiyorov ham bu xabarni samimiy so‘zlar bilan izohladi. U o‘z postida: "Mashaalloh (14.12.25 – 12:00).
Xush kelding, o‘g‘lim. Allohimga behisob shukr, sog‘-salomat dunyoga keldi.
Ilohim, barchaga nasib qilsin. Seni yaxshi ko‘ramiz, bolajonim," — deb yozdi.
Mazkur xabar muxlislar tomonidan iliq kutib olindi. Ko‘plab odamlar ijtimoiy tarmoqlarda tabriklar va ezgu tilaklar yozib, Baxtiyorovlar oilasiga quvonch ulashishdi.
Yangi tug‘ilgan chaqaloqqa uzoq umr, sog‘lik va baxt tilashdi.
