“Qasoskorlar” filmida X-Men jamoasi ilk bor paydo bo‘ldi
Internetda “Qasoskorlar: Qiyomat kuni” filmining yangi treyleri e’lon qilindi. Bu haqda Zamin.uz xabar berdi.
Unda Marvel kinematik olamida ilk bor X-Men jamoasi rasman namoyish etilib, mutantlarning “Qasoskorlar” hikoyasiga qo‘shilayotgani tasdiqlandi. Bu haqda playground.ru xabar berdi.
Qisqa ko‘rsatmada professor Charlz Ksavyer, Magneto va Siklop kabi asosiy qahramonlar paydo bo‘ladi. Ayniqsa, Siklopning bu safar tajovuzkor kayfiyatdagi obrazda namoyish etilgani diqqatga sazovor.
Ushbu treylerda klassik X-Men franshizasidan tanish aktyorlar qaytganini ham kuzatish mumkin. Patrik Styuart, Iyen Makkellen va Jeyms Marsden yana o‘z rollarini ijro etadi.
Bu holat yangi loyiha va oldingi “mutantlar” filmlari o‘rtasidagi bog‘liqlikni mustahkamlaydi. Shu tariqa X-Men jamoasi ilk bor “Qasoskorlar” filmlari syujetiga to‘liq kiritilib, Marvel koinotining umumiy tarixiga integratsiya qilinmoqda.
“Qasoskorlar: Qiyomat kuni” filmining premyerasi 18 dekabr sanasiga belgilangan.
