Saida Rametova: "Tuhmat va nohaqlik ayolni qaritadi"
Aktrisa Saida Rametova ayollarni erta qaritadigan omillar haqida o‘z fikrlarini ijtimoiy tarmoq orqali bildirdi. Bu haqda Zamin.uz xabar berdi.
Uning so‘zlariga ko‘ra, ayol kishining erta qarishiga tuhmat, nohaqlik, moddiy va ma’naviy yetishmovchiliklar hamda g‘am-anduh sabab bo‘ladi. Saida Rametova shunday dedi: "Tuhmat ayolni qaritadi, nohaqlik ham.
Moddiy yetishmovchilik, hayotdagi qiyinchiliklar va orzularning amalga oshmasligi ham ayolni charchatadi va qaritadi. Agar ayol o‘zi istagan turmush tarzini qurishga muvaffaq bo‘la olmasa yoki hayot uni qiynab qo‘ysa, bu uning ruhiy va jismoniy holatiga jiddiy ta’sir qiladi." Shuningdek, aktrisa ayollarga baxt va sog‘lom hayot tilab, quyidagilarni qo‘shimcha qildi: "Xohlaymanki, ayollarimiz hech qachon erta qarimasin, sochlariga oq tushmasin, qalblari og‘rimasin.
Ularning qalblari har doim mehr va muhabbatga to‘la bo‘lsin. Oila a’zolari, sevimli kasbi va turmush o‘rtog‘i bilan baxtli hayot kechirsin.
Turmush o‘rtog‘i yonida bo‘lgan ayolning hayoti butunlay boshqacha bo‘ladi." Aktrisa o‘z tilaklarini ko‘z yosh bilan izhor etar ekan, ayollar uchun baxtli, sog‘lom va farovon hayot orzu qilishini ta’kidladi.
