Yulduz Usmonova Dubayda yakkaxon konsert beradi

Xonanda Yulduz Usmonova muxlislarini xushxabar bilan xursand qildi. Bu haqda Zamin.uz xabar berdi.

U 26-mart kuni Dubay shahrida yakkaxon konsert berishini e’lon qildi. Xonanda o‘z chiqishida quyidagicha bayonot berdi: "26-mart kuni Dubayda mening yakkaxon konsertim bo‘lib o‘tadi.

Dengiz havosi va Dubayning betakror muhitida siz bilan uchrashamiz. Konsert juda o‘zgacha va esda qolarli bo‘lishiga ishonaman.

Qo‘shiqlar ham yangicha ohangda yangraydi. Barchangizni ushbu tadbirga taklif qilaman.

Bu xabar barcha muxlislarim uchun. Inshaalloh, uchrashguncha!" Mazkur xushxabar muxlislar tomonidan katta quvonch bilan kutib olindi.

Ular konsertning yuqori saviyada o‘tishiga ishonch bildirishdi va izohlarda iliq tilaklar yozib qoldirishdi. Shuningdek, ko‘pchilik ushbu tadbirda ishtirok etish baxtiga muyassar bo‘lishni orzu qilishini ta’kidladi.