“Hayvonlar shahri 2” animatsiya tarixida rekord o‘rnatdi
“Hayvonlar shahri 2” multfilmi butun dunyoda yangi rekord o‘rnatdi. Bu haqda Zamin.uz xabar berdi.
Gollivudda “Oskar” mukofoti nomzodlari e’lon qilingan bir paytda, kassa yig‘imlari bo‘yicha ham katta natija qayd etildi. “Hayvonlar shahri 2” multfilmi umumiy hisobda 1,711 milliard dollar daromad yig‘ib, animatsiya tarixidagi eng daromadli filmga aylandi.
Mazkur rekordga erishguniga qadar yetakchilik “Boshqotirma 2” multfilmiga tegishli edi. Uning umumiy daromadi 1,698 milliard dollarni tashkil etgan.
Ammo “Hayvonlar shahri 2” bu ko‘rsatkichni ortda qoldirib, yangi marrani belgiladi. Shunga qaramay, barcha janrlar bo‘yicha mutlaq yetakchi hali ham “Nechja 2” filmidir.
Box Office Mojo ma’lumotlariga ko‘ra, uning umumiy daromadi 2,259 milliard dollarni tashkil etadi. Demak, “Hayvonlar shahri 2” animatsiya janrida birinchi o‘rinda bo‘lsa-da, umumiy reytingda yetakchi o‘rinni egallay olgani yo‘q.
Dahshat janridagi filmlar esa nisbatan past natijalarni qayd etmoqda. Masalan, “28 yildan keyin II qism: Suyaklar ibodatxonasi” AQShda ochilish haftasida 12,5 million dollar yig‘gan.
Uning umumiy jahon daromadi esa 30,3 million dollarga yetgan. Taqqoslash uchun, birinchi qism ochilish haftasida 30 million dollarlik daromad bilan boshlagan edi.
Shu bilan birga, “Avatar: Alanga va kul” ham e’tiborga loyiq natija ko‘rsatmoqda. Uning umumiy yig‘imi 1,329 milliard dollarga yetgan.
Hozirgi kunda animatsiya bozori yuqori sur’atda rivojlanmoqda. Rekordlar birin-ketin yangilanmoqda.
Endi savol tug‘iladi: kelgusi mavsumda bu marrani yana kim oshiradi?
