Rayhon: "Farzand haqida savol berish uyat emasmi?"
Xonanda Rayhon va uning turmush o‘rtog‘i "Shokuz" loyihasiga intervyu berish chog‘ida kutilmagan savollar bilan yuzlashdi. Bu haqda Zamin.uz xabar berdi.
Suhbat davomida boshlovchi Rayhondan: — O‘g‘lingiz bor, endi qiz farzandli bo‘lishni xohlaysizmi? Sizdan qiz kutishimiz mumkinmi?
Harakat bo‘lyaptimi? — deb so‘radi.
Bu savol xonandani biroz hayron qoldirdi. Rayhon esa javoban: — Bunaqa savol berish uyat emasmi?
Siz faqat shunaqa noqulay savollar berasiz. Shu yoshimdami endi?
— deya e’tiroz bildirdi. Boshlovchi esa farzand mavzusidagi savollar uyat emasligini, Rayhon hali ham yosh ekanini ta’kidladi.
Xonanda esa hazil aralash: — Bugun aytdim, endi men “lalichka” xohlayman, — deya qo‘shimcha qildi. Shundan so‘ng savol Rayhonning turmush o‘rtog‘iga yo‘naltirildi.
Boshlovchi: — Rayhon ikki o‘g‘lim bor, endi qiz farzand xohlayman deyapti. Bunga harakat bo‘lyaptimi?
— deb so‘radi. Xonandaning turmush o‘rtog‘i esa ochiqchasiga javob berdi: — Rostini aytsam, yo‘q.
Balki shunday qilish kerakdir, ammo men birovlarning fikriga qarab yashamayman. Farzand dunyoga keltirishdan ko‘ra uni katta qilish va tarbiyalash ancha mas’uliyatli.
Menda uch nafar, ayolimda ikki nafar farzand bor. Ularni tarbiyalab, voyaga yetkazishning o‘zi ham oson emas, — dedi.
