Rayhon G‘aniyeva konsertida noodatiy obraz namoyish etdi
Xonanda Rayhon G‘aniyeva o‘zining konsert dasturida namoyish etgan noodatiy sahna obrazi va o‘ziga xos kiyim uslubi bilan ijtimoiy tarmoqlarda katta muhokamalarga sabab bo‘ldi. Bu haqda Zamin.uz xabar berdi.
Uning sahnadagi yangi ko‘rinishi va ijrosi muxlislar e’tiborini tortib, turli fikr-mulohazalarga sabab bo‘lmoqda. Ko‘plab kuzatuvchilar bu chiqishni xonandaning ijodiy jasorati va ichki kechinmalari bilan bog‘lashmoqda.
Rayhon G‘aniyeva konsertdan so‘ng ijtimoiy tarmoqlardagi sahifasida samimiy fikr bildirdi. U bu konsert uning hayotida alohida ahamiyat kasb etganini ta’kidladi.
Xonandaning so‘zlariga ko‘ra, aynan shu lahzalarda u muxlislarning mehrini chuqur his qilgan. Bu tuyg‘u oddiy minnatdorchilikdan ham ortiq bo‘lib, uning hayotida unutilmas xotiraga aylangan.
San’atkor o‘z chiqishlarida muxlislarning qo‘llab-quvvatlashi unga katta ilhom bag‘ishlayotganini ochiq tan oldi. U barcha ijodiy izlanishlari va sahnadagi jasoratlari aynan muxlislar uchun ekanini qayd etib, ularni cheksiz sevishini bildirib o‘tdi.
Rayhon G‘aniyeva uchun muxlislarning sevgisi va e’tibori uning san’atdagi asosiy ilhomi va kuch manbai ekanini yana bir bor ta’kidladi.
