Ulug‘bek Rahmatullayevning “Hayot” qo‘shig‘i e’tibor qozondi
Xonanda Ulug‘bek Rahmatullayev 24-yanvar kuni o‘zining “Hayot” nomli yangi qo‘shig‘ini YouTube platformasi orqali tinglovchilarga taqdim etdi. Bu haqda Zamin.uz xabar berdi.
Ushbu tarona qisqa vaqt ichida katta e’tibor qozondi va keng muhokamalarga sabab bo‘ldi. Ma’lumotlarga ko‘ra, qo‘shiq atigi ikki kun ichida 100 mingga yaqin marta tinglangan.
Shuningdek, taronaga 200 dan ortiq izoh qoldirilgan bo‘lib, unda muxlislar qo‘shiqning mazmuni, musiqasi va ijrosini yuqori baholagan. Tinglovchilar “Hayot”ni samimiy, chuqur ma’noga ega va ruhiyatga ta’sir qiluvchi qo‘shiq sifatida ta’riflamoqda.
Ushbu taronaga bo‘lgan qiziqish kun sayin ortib bormoqda. Bu esa qo‘shiqning tez orada yanada mashhur bo‘lishidan darak beradi.
Ulug‘bek Rahmatullayevning ijodi yana bir bor tinglovchilar tomonidan iliq kutib olinayotgani artistning ijodiy muvaffaqiyati sifatida e’tirof etilmoqda.
