Erkin Komilovning umr yo‘ldoshi vafot etdi
O‘zbekiston xalq artisti, O‘zbek Milliy akademik drama teatri aktyori Erkin Komilov og‘ir judolikka uchradi. Bu haqda Zamin.uz xabar berdi.
Uning umr yo‘ldoshi, teatr xodimi Mahbuba Komilova 62 yoshida vafot etdi. Bu haqda teatr ma’muriyati rasmiy ma’lumot berdi.
Teatr jamoasi Erkin Komilov va uning oilasiga chuqur hamdardlik bildirib, og‘ir yo‘qotish munosabati bilan tasalli so‘zlarini izhor qildi. Mahbuba Komilova 1964 yil 9 fevral kuni Qashqadaryo viloyatida tug‘ilgan.
U 1987 yilda O‘zbekiston davlat san’at va madaniyat institutining rejissyorlik fakultetini tamomlagan. Shundan so‘ng, O‘zbek Milliy akademik drama teatrida rejissyor yordamchisi sifatida faoliyat yuritgan.
Uning san’at sohasidagi xizmatlari teatr jamoasi tomonidan yuksak qadrlangan. Mahbuba Komilovaning vafoti nafaqat yaqinlariga, balki teatr jamoasiga ham og‘ir yo‘qotish bo‘ldi.
