Jahongir Latipov 32 yoshida "Gelik" xarid qildi
Yosh bloger Jahongir Latipov o‘zining uzoq yillik orzusiga erishdi va 32 yoshida “Gelik” avtomobilini xarid qildi. Bu haqda Zamin.uz xabar berdi.
U bu xursandchiligini ijtimoiy tarmoqlardagi posti orqali ma’lum qildi. Blogerning so‘zlariga ko‘ra, ushbu xarid ko‘p yillik mehnat va berilgan so‘zning bajarilishi bilan bog‘liq.
Jahongir o‘z posti davomida marhum Farhodni ham eslab o‘tdi. Uning fikricha, agar Farhod tirik bo‘lganida va u bilan “yangi gelik oldim” deb suhbatlashganida, u bu yangilikdan chin dildan quvongan bo‘lardi.
Bu orqali bloger yutuqlarning faqat moddiy emas, balki insoniy qadriyatlar va xotiralar bilan ham bog‘liq ekanini ta’kidladi. Jahongir Latipovning fikricha, “American dream” tushunchasi faqat Amerika uchun emas, bugungi O‘zbekistonda ham harakat qilgan inson o‘z orzusiga erisha oladigan davr boshlangan.
U o‘zining “Gelik” xaridini bu fikrlarning real isboti sifatida ko‘rsatdi. Postning eng ta’sirli qismi esa blogerning quyidagi so‘zlari bo‘ldi: “Odam qilgan ishni odam qiladi.
Yurak urib tursa bo‘ldi”. Jahongir o‘z posti orqali barcha qo‘llab-quvvatlaganlarga minnatdorlik bildirib, hamyurtlariga o‘zidan ham katta yutuqlar va nasibalar tiladi.
Bu voqea insonning orzu va maqsad sari intilishi natijasida erishilgan muvaffaqiyatning yorqin namunasidir.
