"Sevgi iztirobi" serialidagi Deniz ulg‘aygani hayratlantiradi
Turkiyaning mashhur "Sevgi iztirobi" seriali orqali ko‘plab insonlar qalbida chuqur iz qoldirgan. Bu haqda Zamin.uz xabar berdi.
Serialda ishtirok etgan qahramonlar orasida kichik obrazlar ham tomoshabinlar xotirasida saqlanib qolgan. Yillar o‘tgan bo‘lsa-da, serial sahnalari va qahramonlar ishtirokidagi ta’sirli lahzalarni hali ham ijtimoiy tarmoqlarda uchratish mumkin.
Ayniqsa, Emir obrazini jonlantirgan Kaan Urganchio‘g‘lining qo‘lida kichik Denizni ko‘rish mumkin bo‘lgan videolar ko‘plab muxlislarda iliq xotiralarni uyg‘otadi. Chunki serialni kuzatganlar uchun Deniz shunchaki chaqaloq emas, balki voqealar zanjirida muhim o‘rin tutgan kichik qahramon edi.
Eng qizig‘i, yangi tasvirlarda o‘sha chaqaloq Denizning ulg‘aygani va chehrasi o‘zgarganini ko‘rish mumkin. Bir vaqtlar serial muxlislarining mehrini qozongan qizaloq bugungi kunda kattaroq yoshga qadam qo‘ygan.
Ekranda Deniz sifatida ko‘ringan qizaloqning asl ismi Arven Beren Kushatman bo‘lib, u yaqinda 10 yoshni qarshi oldi. U 2016 yil 19 may kuni Istanbul shahrida tug‘ilgan.
Hozirda u bolalar fotomodeli sifatida faoliyat yuritmoqda. Arven turli reklama loyihalari va jurnallar uchun suratga tushib, kichik yoshidan omma e’tiborini tortmoqda.
Ijtimoiy tarmoqlarda ham katta qiziqish uyg‘otgan. Masalan, Instagram sahifasini bir milliondan ziyod foydalanuvchi kuzatib borayotgani bu qizaloqqa bo‘lgan qiziqishni ko‘rsatadi.
"Sevgi iztirobi" seriali 2015—2017 yillarda suratga olingan bo‘lib, unda Burak O‘zchivit, Neslihan Atagul, Kaan Urganchio‘g‘li kabi mashhur aktyor va aktrisalar ishtirok etgan. Ushbu loyiha nafaqat Turkiyada, balki boshqa davlatlarda ham katta auditoriya mehrini qozongan.
