"O‘tkir nishonlar" serialining yangi mavsumi suratga olinmoqda
Angliyaning Stok on Trent shahrida "O‘tkir nishonlar" serialining yangi qismlarini suratga olish ishlari boshlandi. Bu haqda Zamin.uz xabar berdi.
Internetda loyiha haqida dastlabki suratlar paydo bo‘ldi va bu holat muxlislar orasida katta qiziqish uyg‘otdi. Yangi mavsumda tomoshabinlar Shelby oilasining yangi avlodi boshidan kechirgan voqealarni kuzatish imkoniga ega bo‘lishadi.
Bu haqda "rozetked.me" sayti xabar berdi. Serial voqealari 1953 yilda, urushdan keyingi Birmingemning tiklanish davrida sodir bo‘ladi.
Syujet markazida shahar ustidan nazoratni qo‘lga kiritishga intilayotgan Shelby oilasi a’zolari turadi. Ijodkorlar ushbu hikoyani kamida ikki mavsumda, har biri bir soatlik oltita epizoddan iborat qilib taqdim etishni rejalashtirmoqda.
Loyiha ustida mashhur Kudos ijodiy guruhi ishlamoqda. Rollarni ijro etuvchi aktyorlar orasida Kel O’Driskoll, Fintan Shevlin va Jeykob Rayt kabi ismlar bor.
6 mart kuni serial asosida suratga olingan film cheklangan prokatda namoyish etila boshlandi. Netflix platformasida esa "O‘tkir nishonlar: Bemisl odam" filmi 23 mart kuni premyera qilinadi.
