O‘zbekistonda 48 ta teatr faoliyat yuritmoqda
Milliy statistika qo‘mitasining 2025 yil 1 yanvar holatiga oid ma’lumotlariga ko‘ra, O‘zbekistonda jami 48 ta teatr faoliyat olib bormoqda. Bu haqida Zamin.uz xabar berdi.
Hududlar bo‘yicha qaralganda, eng ko‘p teatrlar soni Toshkent shahrida, ya’ni 18 taga teng. Farg‘ona viloyatida 5 ta, Samarqand viloyatida esa 4 ta teatr faoliyat yuritmoqda.
Qoraqalpog‘iston Respublikasi hamda Andijon viloyatlarida har birida 3 tadan teatr mavjud. Shuningdek, Buxoro, Jizzax, Qashqadaryo, Surxondaryo va Xorazm viloyatlarida 2 tadan teatr faoliyat ko‘rsatmoqda.
Namangan viloyatida ham 2 ta teatr mavjud bo‘lsa, Navoiy, Sirdaryo va Toshkent viloyatlarida har birida 1 tadan teatr faoliyat yuritadi. Ushbu ma’lumotlar milliy madaniyat va san’at sohasining rivojlanish darajasini ko‘rsatadi hamda hududlardagi teatr san’ati imkoniyatlarini aks ettiradi (Manba: Milliy statistika qo‘mitasi).
