2024 yilda O‘zbekistonda 7354 korrupsiya jinoyati qayd etildi
2024 yil davomida O‘zbekistonda korrupsiya bilan bog‘liq jinoyatlar bo‘yicha 7 354 nafar shaxs javobgarlikka tortilganligi ma’lum qilindi. Bu haqda Zamin.uz xabar berdi.
Hududlar kesimida eng ko‘p korrupsiya holatlari Andijon viloyatida qayd etilgan bo‘lib, u yerda 882 ta holat aniqlandi. Namangan viloyatida 877 ta, Toshkent viloyatida 697 ta, Qashqadaryo viloyatida 695 ta va Samarqand viloyatida 643 ta korrupsiya jinoyati qayd etilgan.
Eng kam holatlar esa Xorazm viloyatida 157 ta, Jizzaxda 266 ta va Navoiyda 366 ta hisoblanadi. Ushbu ko‘rsatkichlar shuni ko‘rsatadiki, mamlakatda korrupsiyaga qarshi kurashish masalasi hali ham dolzarb va ustuvor vazifalardan biri hisoblanadi.
Korrupsiyaga qarshi samarali choralar ko‘rilishi davlat rivoji va ijtimoiy adolatni ta’minlash nuqtai nazaridan muhim ahamiyatga ega. Manba: zamin.uz.
