O‘zbekiston Yevropa Ittifoqi bilan muzokaralarni yakunladi

O‘zbekiston Yevropa Ittifoqi bilan Jahon savdo tashkilotiga a’zo bo‘lish jarayonidagi ikki tomonlama muzokaralarni rasmiy ravishda yakunladi. Bu haqda Zamin.uz xabar berdi.

Bu haqda prezidentning Jahon savdo tashkiloti bo‘yicha maxsus vakili Azizbek Urunov ijtimoiy tarmoqlardagi sahifasida ma’lum qildi. Urunovning so‘zlariga ko‘ra, Yevropa Ittifoqiga a’zo 27 davlat bilan bozorga chiqish shartlari, jumladan eksport va import bojlari hamda xizmatlar sohasidagi muzokaralar muvaffaqiyatli yakunlandi.

Shu bilan O‘zbekiston Yevropa Ittifoqi bilan ikki tomonlama muzokaralarni yakunlagan 31-davlatga aylandi. Bir hafta oldin Panama bilan ham kelishuv imzolangan.

Hozirda jami 31 davlat bilan muzokaralar yakunlangan bo‘lib, uchta mamlakat bilan jarayon davom etmoqda. Shuningdek, sentyabr oyida O‘zbekiston Argentina, Avstraliya va Gonduras bilan bozorga chiqish bo‘yicha protokollarni imzolagandi.

Shu tariqa, O‘zbekiston Jahon savdo tashkilotiga to‘laqonli a’zo bo‘lish yo‘lida muhim bosqichlarni izchil amalga oshirmoqda (manba: zamin.uz).