Xitoylik turistlar soni 200 mingdan oshdi
O‘zbekiston Turizm qo‘mitasi ma’lumotlariga ko‘ra, 2025 yilning dastlabki o‘n oyida Xitoydan O‘zbekistonga kelgan turistlar soni 200 mingdan oshgan. Bu haqda Zamin.uz xabar berdi.
Ushbu natijaga erishishda 2025 yilning Xitoyda «O‘zbekiston turizmi yili» deb e’lon qilinishi muhim omil bo‘ldi. Shuningdek, iyun oyidan boshlab Toshkent va Pekin o‘rtasida vizasiz rejim joriy etilishi ham turistlar oqimini sezilarli darajada oshirdi.
Mutaxassislarning prognozlariga ko‘ra, yil oxiriga qadar Xitoydan keluvchi sayyohlar soni 250 ming nafarga yetishi kutilmoqda. Bu ko‘rsatkich yil boshida belgilangan rejadan 40 foizga yuqori bo‘lib, o‘tgan yilgi natijalar bilan solishtirganda 3,7 barobar ko‘pdir.
Mazkur yutuqlar O‘zbekistonning turizm sohasidagi xalqaro hamkorlikni rivojlantirishga qaratilgan sa’y-harakatlari samaradorligini ko‘rsatmoqda.
