O‘zbekiston tibbiy turizm markaziga aylanmoqda

Milliy statistika qo‘mitasining ma’lumotlariga ko‘ra, 2025 yilda O‘zbekistonga davolanish maqsadida 86 199 nafar chet el fuqarosi tashrif buyurgan. Bu haqda Zamin.uz xabar berdi.

Ushbu ko‘rsatkich mintaqada tibbiy xizmatlarga bo‘lgan talabning ortib borayotganini ko‘rsatadi. Shu bilan birga, O‘zbekistonning tibbiy turizm sohasidagi jozibadorligi ham kuchayib bormoqda.

Tahlillarga ko‘ra, O‘zbekistonga kelgan bemorlarning eng katta qismi Tojikiston fuqarolariga to‘g‘ri keladi. Ularning soni 59 145 nafarni tashkil etadi.

Keyingi o‘rinlarda Qirg‘iziston (15 631 nafar) va Qozog‘iston (8 224 nafar) fuqarolari qayd etilgan. Bundan tashqari, Rossiyadan 1 899 nafar, Afg‘onistondan 914 nafar hamda Turkmanistondan 224 nafar fuqaro O‘zbekistonga davolanish uchun kelgan.

Uzoq davlatlardan ham bemorlar tashrif buyurgani kuzatilgan. Masalan, Turkiyadan 47 nafar, AQShdan 16 nafar, Xitoydan 15 nafar va Ozarbayjondan 11 nafar bemor kelgan.

Shuningdek, boshqa davlatlardan jami 73 nafar fuqaro O‘zbekistonda tibbiy xizmatlardan foydalangan. Mazkur raqamlar O‘zbekistonning sog‘liqni saqlash sohasida mintaqaviy markazga aylanishi yo‘lidagi ijobiy o‘zgarishlaridan dalolat beradi.

Manba: Milliy statistika qo‘mitasi.