Napoli jamoasining hujumchisi Viktor Osimxen yaqinda Galatasaroy klubi tarkibida taqdim etiladi. Bu haqida Euro-football.ru xabar berdi.
Turkiya klubi Nigeriyalik futbolchini sotib olish bo‘yicha shartlarni kelishib oldi. Jurnalist Nikolo Skira ma’lumotiga ko‘ra, 26 yoshli futbolchi dam olish kunlari Istanbulga kelib, o‘tish jarayonini yakunlaydi.
Galatasaroy turk futboli tarixidagi eng qimmat transferni e’lon qilishga tayyorgarlik ko‘rmoqda. Viktor Osimxen transferining umumiy qiymati 75 million yevroni tashkil etadi.
O‘tgan mavsumda hujumchi ijarada Istanbul jamoasida maydonga tushib, 41 o‘yinda 37 ta gol urdi va 8 ta golga assistentlik qildi. Bu natijalar jamoaga Turkiya chempionati va Kubogini qo‘lga kiritishda yordam berdi.
Osimxenning kelishi Galatasaroyning hujum chizig‘ini sezilarli darajada kuchaytirishi kutilmoqda. Klub va futbolchi o‘rtasidagi kelishuv rasmiylashtirilgach, taqdimot marosimi o‘tkaziladi.
Ushbu transfer turk futboli tarixida muhim voqea sifatida qayd etiladi.
👍 0❤️ 0😂 0😢 0😡 0
