Yorrell Xato Chelsi bilan 8 yillik shartnoma imzoladi
Amsterdamning "Ayaks" jamoasi himoyachisi Yorrell Xato "Chelsi" bilan uzoq muddatli shartnoma imzoladi. Bu haqida Euro-football.ru xabar berdi.
Inglizning nufuzli klubi 19 yoshli iste’dodli futbolchini sotib olish uchun taxminan 50 million yevro to‘ladi. Shartnoma 2033 yil o‘rtalarigacha amal qiladi.
Bu haqda taniqli futbol insayderi Nikolo Skira ma’lum qildi. Kelishuv allaqachon rasmiylashtirilgan.
May oyidan beri "Chelsi" rahbariyati yosh futbolchini o‘z safiga qo‘shish ustida ishlagan bo‘lib, shartnoma imzolanishiga klub bosh murabbiyi Enzo Mareska shaxsan aralashgan. Yorrell Xato o‘tgan mavsumda "Ayaks" safida 50 ta o‘yinda maydonga tushib, 3 ta gol urdi va 6 ta golga uzatma berdi.
Shuningdek, u Niderland milliy terma jamoasi safida 6 marta maydonga tushgan. Yosh futbolchi o‘zining ajoyib o‘yinlari bilan jahon futbolida katta e’tiborni qozondi.
"Chelsi" jamoasi uning kelajagini porloq deb hisoblab, uni o‘z tarkibiga qo‘shishni maqsad qilgan. Bu transfer klub uchun muhim qo‘shilma bo‘lib, kelgusi mavsumlarda jamoaning hujum va himoya chizig‘ini mustahkamlashga xizmat qiladi.
