Perrin Krasnodardagi ilk o‘yinidan mamnunligini aytdi

Seshanba kuni kechqurun "Krasnodar" jamoasi safida hujumkor yarim himoyachi Gaetan Perrin ilk bor maydonga tushdi. Bu haqida Euro-football.ru xabar berdi.

U o‘zining debyut o‘yinidan so‘ng jurnalistlarning savollariga javob berdi. Perrinning aytishicha, u o‘zini yaxshi his qilmoqda va ko‘proq o‘ynashni istaydi.

Shuningdek, u bu jamoada bo‘lishidan mamnunligini bildirdi. Futbolchining ta’kidlashicha, u yana ko‘proq g‘alaba qozonishni xohlaydi va navbatdagi uchrashuv "Dinamo"ga qarshi bo‘lib o‘tadi, ushbu uchrashuvda jamoasi bilan g‘alaba uchun harakat qilishini aytdi.

Gaetan Perrin 29 yoshda bo‘lib, u jamoaga atigi bir hafta oldin qo‘shilganini, hali to‘liq moslashib ulgurmaganini ta’kidladi. Uning so‘zlariga ko‘ra, vaqt o‘tishi bilan jamoadoshlari bilan ko‘proq muloqot qiladi va maydondagi o‘zaro tushunish yaxshilanadi.

Ma’lumot uchun, "Krasnodar" jamoasi seshanba kuni o‘z maydonida Rossiya Kubogi doirasida "Krylya Sovetov" klubiga 1:2 hisobida mag‘lub bo‘ldi.