Perrin: Krasnodarga yangi g‘alabalar uchun yordam beraman

«Krasnodar» jamoasining hujumkor yarim himoyachisi Gaetan Perrin Rossiyaga katta yulduz sifatida ko‘chib o‘tgach, unga bo‘ladigan bosimga tayyormi degan savolga javob berdi. Bu haqida Euro-football.ru xabar berdi.

Ma’lumki, 29 yoshli fransuz futbolchi yaqinda «Oser» klubidan «Krasnodar»ga o‘tib, jamoaning safida ilk bor maydonga tushdi. Perrinning so‘zlariga ko‘ra, u uchun bu bosim muammo emas, aksincha, bu uning maqsadlari uchun yaxshi tajriba hisoblanadi.

U o‘zini bosim ostida alohida his qilmaydi va har kuni shunday vaziyatda bo‘lishga tayyorligini aytdi. Shuningdek, Perrin jamoaga yangi g‘alabalarni qo‘lga kiritishda yordam berishga harakat qilishini ta’kidladi.

Dastlabki o‘yinida Perrin bilan birga «Krasnodar» o‘z maydonida «Krylya Sovetov» jamoasiga 1:2 hisobida mag‘lub bo‘ldi. Uchrashuv Rossiya Kubogi guruh bosqichining birinchi turi doirasida o‘tkazildi.

Gaetan Perrin mashhur fransuz klubi «Lion» tarbiyalanuvchisi hisoblanadi. «Krasnodar» o‘zining navbatdagi uchrashuvini 2 avgust kuni uy maydonida «Dinamo»ga qarshi Rossiya Premyer-ligasi doirasida o‘tkazadi.