"Lokomotiv" klubi sobiq prezidenti Nikolay Naumov "Zenit" va CSKA jamoalari o‘rtasidagi uchrashuv imkoniyatlari haqida fikr bildirdi. Bu haqida Euro-football.ru xabar berdi.
Ushbu o‘yin Rossiya chempionati uchinchi turi doirasida 3-avgust kuni Sankt-Peterburg shahrida bo‘lib o‘tadi. Naumovning ta’kidlashicha, CSKA futbolchilari Sankt-Peterburgda himoyaga yopilib olishlari dargumon.
Uchrashuv ikki jamoa tashabbusi bilan faol o‘tishi kutilmoqda. Bu esa "Zenit" uchun qulaylik yaratadi.
Peterburgliklar yuqori pressing yordamida raqibga bosim o‘tkazishga harakat qilishadi va Naumov fikriga ko‘ra, "Zenit" bir to‘p farqi bilan g‘alaba qozonishi mumkin. So‘nggi beshta o‘zaro uchrashuvda CSKA faqat bir marta zafar quchgan, u ham bo‘lsa penaltilar seriyasida.
Asosiy vaqt natijalariga ko‘ra, uchta o‘yin durang bilan yakunlangan, ikki uchrashuvda esa "Zenit" g‘alaba qozongan. Shu sababli, bu safargi o‘yin ham murosasiz va qiziqarli bo‘lishi kutilmoqda.
Mutaxassislarning fikricha, "Zenit"ning ustunligi sezilmoqda, biroq CSKA ham o‘z imkoniyatlaridan foydalanishga harakat qiladi.
👍 0❤️ 0😂 0😢 0😡 0
