Ipsvich Omari Xatchinson uchun 40 millionlik taklifni rad etdi

Ipsvich futbol klubi Nottingem Forest jamoasidan Omari Xatchinsonni sotib olish bo‘yicha tushgan taklifni rad etdi. Bu haqida Euro-football.ru xabar berdi.

Bu haqda mashhur sport jurnalisti David Ornshteyn xabar berdi. Ma’lumotlarga ko‘ra, Nottingem Forest tomonidan taklif qilingan deyarli 40 million yevro miqdoridagi summa Ipsvich rahbariyatini qoniqtirmadi.

Shunga qaramay, Nottingem Forest klubi vakillari bu vaziyatdan cho‘chimayapti va yosh futbolchini sotib olish uchun yangi taklif tayyorlashmoqchi. Klub yetakchilari Omari Xatchinsonni o‘z tarkibiga qo‘shib olish niyatida.

Bundan tashqari, ingliz Premer-ligasining yana bir vakili – Londonning Brentford klubi ham Xatchinsonga qiziqish bildirmoqda. Shunday qilib, yosh iqtidorli futbolchi atrofida raqobat kuchayib bormoqda.

Eslatib o‘tamiz, 21 yoshli hujumkor yarim himoyachi Omari Xatchinson Ipsvich klubi bilan yana to‘rt yilga mo‘ljallangan shartnoma asosida o‘ynaydi. O‘tgan mavsum yakunlariga ko‘ra, Ipsvich jamoasi Premer-ligadan chiqib ketdi va musobaqa jadvalida 18-o‘rinni egalladi.

Shu sababli, klub tarkibidagi o‘zgarishlar va futbolchilar kelajagi hozirda ko‘plab muhokamalarga sabab bo‘lmoqda.