Ben Doak transferiga Premer-liga klublari qiziqmoqda
"Liverpul" jamoasida to‘p surayotgan yosh hujumchi Ben Doak faoliyatini Angliya Premer-ligasining boshqa bir klubida davom ettirishi mumkin. Bu haqida Euro-football.ru xabar berdi.
Ma’lum qilinishicha, 19 yoshli futbolchini "Vest Hem" hamda "Vulverhempton" klublari o‘z safida ko‘rishni istamoqda. Bu haqida "Liverpul" klubi faoliyati bo‘yicha ma’lumot beruvchi jurnalist xabar berdi.
Avvalroq "Ipsvich" va "Kristal Pelas" klublari ham Ben Doakni xarid qilish uchun taklif bilan chiqqan edi. Ular taxminan 20 million funt sterling, ya’ni 23 million yevro miqdorida mablag‘ to‘lashga tayyor bo‘lishgan.
Biroq "Liverpul" rahbariyati bu takliflarni rad etgan. O‘tgan mavsum Ben Doak "Midlsbro" jamoasida ijarada o‘ynab, o‘zini yaxshi tomondan ko‘rsata oldi.
Transfermarkt portali ma’lumotiga ko‘ra, yosh va istiqbolli futbolchining bozor bahosi hozirda 14 million yevroga teng. Hozircha Ben Doakning kelajagi borasida yakuniy qaror qabul qilinmagan.
Shu bilan birga, uning transferiga qiziqish bildirayotgan klublar soni ortib bormoqda. Ben Doak o‘zining tezligi va mahorati bilan jamoalarning e’tiborini tortmoqda.
