Manchester Siti klubi hozircha hujumkor yarim himoyachi Jek Grilishni Everton jamoasiga qo‘yib yuborishga shoshilmayapti. Bu haqida Euro-football.ru xabar berdi.
Klub 29 yoshli futbolchi bilan xayrlashishga tayyor bo‘lsa-da, uni o‘z safiga qo‘shmoqchi bo‘lganlarga hozircha murosaga bormayapti. Jurnalist Ben Jeykobs bergan ma’lumotga ko‘ra, Manchester Siti Grilishni Evertonga faqat bitta shart bilan ijaraga berishga rozi bo‘ladi.
Unga ko‘ra, Everton futbolchining ijaradagi davrida uning ish haqini to‘liq to‘lashi kerak. Ayni paytda Jek Grilish haftasiga taxminan 300 ming funt sterling, ya’ni qariyb 350 ming yevro maosh oladi.
Shu sababli, bu shartning bajarilishi amalda juda qiyin ko‘rinadi. Ma’lumot uchun, sentabr oyida Jek Grilish 30 yoshga to‘ladi.
Uning Manchester Siti klubi bilan tuzilgan shartnomasi 2027 yilning o‘rtalariga qadar amal qiladi. Klub futbolchini qo‘yib yuborish borasida hali aniq qaror qabul qilmagan.
Shu bois, Grilishning kelajagi borasida hozircha aniq ma’lumot yo‘q.
