Londonning “Arsenal” klubi “Kristal Pelas” jamoasining yarim himoyachisi Eberechi Ezeni sotib olish uchun 60 million yevro taklif qilishga tayyor. Bu haqida Euro-football.ru xabar berdi.
Bu haqda Teamtalk nashri jurnalisti Freyzer Fletcher xabar bermoqda. Eberechi Ezening o‘zi ham “Arsenal” safiga qo‘shilishga qarshi emas.
Ma’lumotlarga ko‘ra, ushbu transfer “Arsenal” yarim himoyachisi Fabiu Viyeraning “Shtutgart” klubiga sotilishi bilan bog‘liq bo‘lishi mumkin. Agar bu transfer amalga oshsa, “Arsenal” Fabiu Viyerani sotishdan 30 million yevro daromad olishi kutilmoqda.
Eslatib o‘tamiz, joriy yozgi transfer oynasida “Arsenal” bir necha futbolchilar bilan shartnoma imzoladi. Klub markaziy yarim himoyachi Martin Subimendi, himoyachi Kristian Moskera, darvozabon Kepu Arrisabalaga, yarim himoyachi Kristian Norgor, qanot hujumchisi Noni Madueke hamda hujumchi Viktor Dyokereshni o‘z tarkibiga qo‘shib oldi.
Shunday qilib, “Arsenal” yangi mavsumga jiddiy tayyorgarlik ko‘rmoqda va tarkibni kuchaytirishda davom etmoqda. Klub maqsadi – kuchli futbolchilar bilan natijalarni yaxshilash va yuqori o‘rinlar uchun kurashishdir.
