Hujumkor yarim himoyachi Jek Grilish “Manchester Siti” klubidan “Everton” jamoasiga o‘tmoqda. Bu haqida Euro-football.ru xabar berdi.
Dushanba kuni futbolchi tibbiy ko‘rikdan o‘tishi rejalashtirilgan. Agar tibbiy ko‘rikda hech qanday muammo aniqlanmasa, u holda shartnoma imzolanadi va bu haqda rasmiy bayonot beriladi.
“The Athletic” nashrining yozishicha, “Everton” 29 yoshli Grilishni ijaraga oladi. Shartnomaga ko‘ra, kelasi yozda klub futbolchini to‘liq sotib olish imkoniyatiga ega bo‘ladi.
Sotib olish narxi taxminan 50 million funt sterlingga baholangan bo‘lib, bu qariyb 58 million yevroga teng. Keyingi Angliya chempionatining birinchi turida “Everton” safarda “Lids” jamoasiga qarshi bahs olib boradi.
Ushbu uchrashuv dushanba, 18 avgust kuni bo‘lib o‘tadi.
