Kamotschi: Stankovichning o‘yinni tark etishi noto‘g‘ri bo‘ldi

Italiya menejeri Franko Kamotschi “Spartak” bosh murabbiyi Dejan Stankovichning “Dinamo” (Maxachkala) jamoasiga qarshi o‘yindagi harakati haqida o‘z fikrini bildirdi. Bu haqida Euro-football.ru xabar berdi.

Ma’lumot uchun, ushbu uchrashuv 1:1 hisobida yakunlanib, penaltilar seriyasida “Dinamo” g‘alaba qozondi. Eslatib o‘tamiz, “Spartak” bosh murabbiyi uchrashuvning 87-daqiqasida, uning jamoasi darvozasiga penalti belgilangan paytda, tribunadagi o‘z joyini tark etdi.

Franko Kamotschining ta’kidlashicha, bu harakat chiroyli emas edi. Unga ko‘ra, murabbiyning bu ishorasi noqulaylik va ehtimol, taslim bo‘lishni bildiradi.

Ayni paytda “Spartak” ikki turdan so‘ng C guruhida to‘rt ochko bilan ikkinchi o‘rinda bormoqda. Poytaxt jamoasi navbatdagi uchrashuvini 16 avgust kuni o‘tkazadi.

Beshinchi turda “Spartak” Sankt-Peterburgning “Zenit” jamoasiga qarshi maydonga tushadi. Jamoa oldiga yuqori natija ko‘rsatish vazifasi qo‘yilgan.