Inter jamoasi Belgiya darvozaboniga qiziqmoqda
«Inter» jamoasi darvozabonlar safini kuchaytirish maqsadida «Antverpen» klubining darvozaboni Senne Lammensni o‘z safiga qo‘shmoqchi. Bu haqida Euro-football.ru xabar berdi.
Bu haqda Het Laatste Nieuws nashri xabar bermoqda. Manbaning ma’lum qilishicha, «Neradzurri» jamoasi joriy darvozabon Yan Sommerga uzoq muddatli o‘rinbosar izlamoqda.
Yan Sommerga bu yil 37 yosh to‘ladi. Italiyalik klub Lammens haqida batafsil ma’lumot to‘plagan.
«Antverpen» darvozabonni sotishda kamida 20 million yevro talab qilmoqda. Ushbu transfer oynasida Lammensga «Manchester Yunayted», «Lids» va «Galatasaroy» klublari ham qiziqish bildirgan.
O‘tgan mavsumda Lammens «Antverpen» safida 44 ta o‘yin o‘tkazib, shulardan 10 tasida darvozasiga gol o‘tqazmagan. Transfermarkt ma’lumotlariga ko‘ra, 23 yoshli darvozabonning bozor qiymati 9 million yevroga teng.
