Vulverxempton Belgiya chempionidan hujumchi sotib oldi
Nigeriyalik hujumchi Tolu Arokodare faoliyatini Angliyada davom ettiradi. Bu haqida Euro-football.ru xabar berdi.
Futbolchi "Vulverxempton" klubiga o‘tganligi rasmiy tarzda klubning matbuot xizmati tomonidan e’lon qilindi. Arokodare Belgiya klubi "Genk"dan sotib olindi.
Ommaviy axborot vositalarining ma’lumotlariga ko‘ra, ushbu transfer summasi 27 million yevroni tashkil etdi. Hujumchi bilan "Vulverxempton" klubi to‘rt yillik shartnoma imzoladi.
O‘tgan mavsumda 24 yoshli futbolchi barcha musobaqalarda jami 45 ta o‘yinda maydonga tushib, 23 ta gol urdi va 7 ta golga uzatma berdi. Angliya chempionatining uchinchi turidan so‘ng "Vulverxempton" jamoasi ochko ololmay, turnir jadvalida oxirgi o‘rinda bormoqda.
Klub yangi futbolchining kelishi bilan mavsumni yaxshilashni maqsad qilgan.
