Bavariya va Borussia Ronalduni olmaslik sababini aytdi
2022 yil oxirida «Manchester Yunayted» klubidan ketgach, Krishtianu Ronaldu Germaniyada o‘ynashi mumkin edi. Bu haqida Euro-football.ru xabar berdi.
Uning agenti Jorje Mendes nemis klublari «Bavariya» va «Borussiya»ga portugaliyalik futbolchining nomzodini taklif qilgan. Bu haqda Goal portali jurnalist Kristian Falkning «Transfer Insider» kitobiga tayanib ma’lumot berdi.
«Bavariya» jiddiy ravishda Ronaldu bilan shartnoma imzolashni ko‘rib chiqdi, ammo klubda futbolchining yulduz mavqei jamoa ruhiyatiga salbiy ta’sir ko‘rsatishi va maoshlar balansini buzishi mumkinligi haqida xavotirlar paydo bo‘ldi. O‘sha paytda «Bavariya»dagi eng yuqori maosh Robert Levandovskiyga tegishli bo‘lib, uning yillik daromadi 24 million yevroni tashkil etardi.
Ronaldu esa «Manchester Yunayted»dagi kabi yiliga 29 million yevro olishni xohlardi. «Borussiya» klubi ham sport va moliyaviy xavflar tijorat jihatidan kutilgan foydadan ustun kelishini anglab, Mendes taklif qilgan kelishuvni rad etdi.
2023 yil boshidan buyon Krishtianu Ronaldu Saudiya Arabistonidagi «Al-Nasr» klubida faoliyat yuritmoqda.
