Musiala Donnarummaga norozi emasligini aytdi
Bavariya jamoasining hujumchi yarim himoyachisi Jamal Musiala Gianluigi Donnarummaga norozi emasligini ma’lum qildi. Bu haqida Euro-football.ru xabar berdi.
Ular o‘rtasidagi to‘qnashuv natijasida Musiala og‘ir jarohat olgan edi. Musiala va Donnarumma o‘rtasidagi ushbu voqea jahon klub chempionati doirasida, iyul boshida Bavariya va PSJ o‘rtasidagi o‘yinda yuz berdi.
Darvozabon Donnarumma to‘p uchun kurashayotganda tasodifan Musialaga jiddiy jarohat yetkazdi. Keyinchalik Musialada kichik son suyagining sinishi aniqlandi.
O‘yindan so‘ng Donnarumma Jamalga darhol uzr so‘ramagani uchun tanqidga uchradi. Ammo Musiala bunday holatda uzr so‘rash hech narsani o‘zgartirmasligini aytdi.
U Donnarummaning ham o‘sha paytda o‘zini qanday his qilganini tushunganini ta’kidladi. Donnarumma keyinchalik Musialaga aloqaga chiqib, holatini so‘radi.
Hozirda 22 yoshli futbolchi jarohatdan so‘ng tiklanish jarayonini davom ettirmoqda. Musiala o‘z intervyusida bunday voqealar sodir bo‘lishi mumkinligini va unga norozi emasligini bildirdi.
