Joao Pedro o‘yinda qusgani sababini aytdi

Braziliya terma jamoasi hujumchisi Joao Pedro 2026 yilgi jahon chempionati saralash o‘yinida Chili terma jamoasiga qarshi kechgan bahs davomida to‘satdan qusdi. Bu haqida Euro-football.ru xabar berdi.

Shunga qaramay, futbolchi o‘yinni davom ettirdi va keyinroq almashtirildi. O‘yindan so‘ng Pedro ushbu notanish holat yuzasidan fikr bildirdi.

Unga ko‘ra, Martenelli bilan to‘qnashuv vaqtida qorniga zarba yetgan va shu sababli o‘zini yomon his qilgan, biroq keyin holati yaxshilangan. Ma’lumot uchun, Braziliya terma jamoasi Chili jamoasini 3:0 hisobida mag‘lub etdi.

Gollarni Estevao Villian, Lukas Paketa va Bruno Himaraes kiritishdi. Shuningdek, Braziliya jamoasi yoz oylarida allaqachon jahon chempionatiga yo‘llanmani qo‘lga kiritganini ta’kidlash lozim.