Yulmann Bayerda debyut o‘yinidan mamnun qoldi

Germaniya chempionatining uchinchi turida "Bayer" Frankfurtning "Ayntraxt" jamoasini 3:1 hisobida mag‘lub etdi. Bu haqida Euro-football.ru xabar berdi.

Yangi bosh murabbiy Kasper Yulmann o‘zining debyut o‘yinini sharhladi. Murabbiy matbuot anjumanida bu tajriba unga juda yoqqanini, futbol ishini sog‘inganini ta’kidladi.

U Germaniyadagi Bundesligani juda yaxshi ko‘rishini, bu yerda futbol insonlar uchun o‘ynalishini, o‘yinga katta ishtiyoq bilan yondashilishini bildirdi. Eslatib o‘tamiz, daniyalik mutaxassis "Bayer" jamoasiga Erik Ten Xag ishdan bo‘shatilgach rahbarlik qilmoqda.

Hozirgi vaqtda Leverkusen klubi Bundesliganing turnir jadvalida to‘rt ochko bilan yettinchi pog‘onani egallab turibdi.