Gvardiola: Arsenal bilan durangni nishonlamoqchiman

Xosep Gvardiola hozir yopiq futbol uslubini ham qo‘llamoqda. Bu haqda Euro-football.ru xabar berdi.

So‘nggi o‘yinda “Arsenal”ga qarshi (1:1) Gvardiola milliy ligalar doirasidagi o‘yinlarda to‘p nazorati bo‘yicha shaxsiy murabbiylik antirekordini o‘rnatdi. Bundan tashqari, ikkinchi bo‘limda u besh himoyachidan iborat tizimga ham o‘tdi.

“Manchester Siti” murabbiyining dushanba kuni o‘tkazilgan matbuot anjumanida ushbu mavzu bo‘yicha izoh so‘raldi. Gvardiola shunday dedi: “O‘tgan mavsumda bizda yetishmayotgan ko‘p narsalarni qaytarib oldik.

Jamoamizda ajoyib ruh bor. Albatta, butun mavsum davomida “Arsenal”ga qarshi o‘ynagandek o‘ynay olmaymiz va bunga intilmaymiz.

Ammo men kuchli va ajoyib raqibga hurmat bildiraman. Ko‘pchilik o‘yinlarda ular raqiblarini o‘z usullarida o‘ynashga majbur qiladilar.

Men “Arsenal”ga qarshi safardagi durang natijani nishonlashni xohlayman. Bu jamoa o‘tgan mavsum Chempionlar Ligasi yarim finaliga yetib borgan va oxirgi yillarda Angliya Premer Ligasi chempionligi uchun kurashgan.

Men bu ochkoni qadrlayman”.