«Kilmes» muxlislari stadionni o‘z qo‘llari bilan ta’mirlamoqda
1887 yilda tashkil topgan «Kilmes» Argentinaning eng qadimiy futbol klublaridan biri hisoblanadi. Bu haqda Zamin.uz xabar berdi.
Ushbu jamoa o‘zining boy tarixi va ko‘p sonli muxlislari bilan tanilgan. Biroq, so‘nggi yillarda klub moliyaviy qiyinchiliklarga duch kelmoqda.
Bu haqda euro-football.ru xabar berdi. Klub rahbariyati stadionni ta’mirlash tashabbusi bilan chiqdi va bu borada yordam so‘radi.
Ammo bu safar odatdagi moliyaviy xayriya emas, balki bevosita jismoniy yordam ko‘rsatish taklif qilindi. Muxlislardan stadionga kelib, o‘z qo‘llari bilan ta’mirlash ishlarida qatnashish so‘raldi.
Janubiy yarimsharda jazirama yoz fasli bo‘lishiga qaramay, ko‘plab ishqibozlar bu taklifni mamnuniyat bilan qabul qilishdi. Ular klubni qo‘llab-quvvatlash va stadionni obod qilish uchun birlashib, faol ishtirok etishdi.
Bu voqea «Kilmes»ning o‘z muxlislari bilan qanchalik yaqin ekanini yana bir bor ko‘rsatdi.
