Endrik xet-trik qayd etib, "Lion"ga g‘alaba keltirdi
Madridning "Real" klubidan ijaraga olingan "Lion" hujumchisi Endrik Fransiyaning Liga 1 doirasida bo‘lib o‘tgan "Mets" jamoasiga qarshi uchrashuvda xet-trik qayd etdi. Bu haqda Zamin.uz xabar berdi.
Ushbu o‘yin "Lion"ning 5:2 hisobidagi g‘alabasi bilan yakunlandi. Endrikning mazkur muvaffaqiyati haqida euro-football.ru xabar berdi.
Braziliyalik hujumchi uchrashuvning 11 va 45-daqiqalarida raqib darvozasini ishg‘ol qilishga muvaffaq bo‘ldi. Uchrashuvning 87-daqiqasida esa penalti zarbasini aniq amalga oshirib, hisobni yakuniy ko‘rinishga olib keldi.
Madrid Zone ma’lumotlariga ko‘ra, Endrik 19 yosh-u 188 kunlik bo‘lganida fransuz Liga 1 tarixida XXI asr boshidan beri xet-trik qayd etgan to‘rtinchi eng yosh futbolchiga aylandi. Undan yoshroq natija qayd etganlar qatorida Jeremi Mene (17 yosh-u 260 kun), Kilian Mbappe (18 yosh-u 53 kun) va Usmon Dembele (18 yosh-u 296 kun) bor.
Endrik bu yilning yanvar oyida "Real" klubidan "Lion"ga ijaraga kelgan edi. U mazkur jamoa safida uch uchrashuvda qatnashib, 4 ta gol urishga va 1 ta golli uzatma amalga oshirishga muvaffaq bo‘ldi.
