N’Golo Kante "Al-Nasr"ga o‘tishi mumkin
"Al-Ittihad" futbol klubi yarim himoyachisi N’Golo Kante Saudiya Arabistonidagi boshqa klubga o‘tishi mumkin. Bu haqda Zamin.uz xabar berdi.
Bu haqda euro-football.ru xabar bermoqda. Ma’lum bo‘lishicha, "Al-Nasr" klubi fransuz futbolchisini o‘z safiga qo‘shishga qiziqish bildirmoqda.
Klubning sobiq yuridik bo‘lim rahbari Saad Al Subaiyning so‘zlariga ko‘ra, muzokaralar davom etmoqda va kelishuv yanvar oyining oxirigacha rasmiylashtirilishi mumkin. Kante 2023 yilda "Chelsi" klubidan erkin agent sifatida "Al-Ittihad" safiga kelib qo‘shilgan edi.
Uning klub bilan amaldagi shartnomasi 2026 yilning 30 iyuniga qadar mo‘ljallangan. Joriy mavsumda Kante Saudiya klubida 25 ta uchrashuvda maydonga tushib, 2 ta gol urdi va 1 ta golli uzatma amalga oshirdi.
Transfermarkt portali ma’lumotlariga ko‘ra, futbolchining bozor qiymati hozirda 4,5 million yevro deb baholanmoqda. Kante nafaqat klubda, balki xalqaro maydonlarda ham o‘zining barqaror o‘yini bilan tanilgan futbolchilardan biri hisoblanadi.
Uning "Al-Nasr"ga o‘tishi Saudiya Arabistoni futboli uchun muhim voqea bo‘lishi mumkin.
