Ronaldu ishtiroksiz, “Al-Nasr” guruhda peshqadam bo‘ldi

Krishtianu Ronaldu murabbiy bilan kelishilgan holda, Osiyo Futbol Konfederatsiyasi (OFK) Chempionlar ligasi 2-guruh bosqichi uchrashuvlarida ishtirok etmayapti. Bu haqda Zamin.uz xabar berdi.

Shunga qaramay, “Al-Nasr” jamoasi sardorsiz ham muvaffaqiyatli natijalar ko‘rsatmoqda. Bu haqda euro-football.ru sayti xabar berdi.

Saudiya Arabistonining “Al-Nasr” klubi chorshanba kuni guruhdagi navbatdagi, ya’ni beshinchi o‘yinida Tojikistonning “Istiqlol” klubini 4:0 hisobida yirik mag‘lubiyatga uchratdi. Shu tariqa jamoa guruh bosqichini 5 ta o‘yinda 5 ta g‘alaba bilan yakunladi va keyingi bosqichga yo‘l oldi.

Uchrashuvdan so‘ng Krishtianu Ronaldu ijtimoiy tarmoqlardagi sahifasida “Al-Nasr”ning guruhni birinchi o‘rinda yakunlagani va keyingi bosqichga chiqqani haqidagi xabarni bo‘lishdi. U mazkur postga olov va qarsak emojilarini qo‘shib, jamoaning muvaffaqiyatini qo‘llab-quvvatlaganini bildirdi.

Ma’lumot uchun, 40 yoshli Ronaldu “Al-Nasr” jamoasi bilan 2027 yil o‘rtalarigacha tuzilgan shartnoma asosida faoliyat olib bormoqda.