A Seriya 2025/26 taqvimi e’lon qilindi — ilk turdagi to‘qnashuvlar ma’lum!
Italiya futbolining yuragi hisoblangan A Seriyada 2025/2026 yilgi mavsum rasman boshlanish arafasida. Liga rahbariyati yangi mavsum uchun to‘liq taqvimni e’lon qildi va birinchi turdanoq shiddatli va qizg‘in to‘qnashuvlar kutilayotgani ma’lum bo‘ldi.
2025 yil 24 avgustdan boshlanadigan 1-turda quyidagi juftliklar maydonga tushadi:
- “Atalanta” – “Piza”
- “Kalyari” – “Fiorentina”
- “Komo” – “Latsio”
- “Jenoa” – “Lechche”
- “Inter” – “Torino”
- “Yuventus” – “Parma”
- “Milan” – “Kremoneze”
- “Roma” – “Bolonya”
- “Sassuolo” – “Napoli”
- “Udineze” – “Verona”
Ilk turoqdayoq muxlislar “Milan” hamda “Yuventus” kabi grandlarning yangi mavsumdagi holatini kuzatish imkoniyatiga ega bo‘ladi. Shu bilan birga, Yevropa musobaqalarida qatnashishni maqsad qilgan klublar — “Roma”, “Inter” va “Latsio”ning startdagi muvaffaqiyati ham katta ahamiyatga ega bo‘ladi.
Liga rahbariyati ma’lum qilishicha, mavsum so‘nggi — 38-tur uchrashuvlari 2026 yil 24 may kuni o‘tkaziladi. Bu vaqt mobaynida Italiyadagi futbol muhiti qizg‘in ritmda o‘tishi va har bir tur har xil sensatsiyalar bilan boyishi kutilmoqda.
Aytish joizki, ushbu mavsum “Skudetto” uchun kurashda raqobat yanada oshishi kutilayapti. Murabbiylar almashinuvi, transferlar va yosh iqtidorlarning porlashi A Seriyaning jozibadorligini yanada oshirishi muqarrar.
Zamin.uz tahririyati A Seriyadagi barcha muhim yangiliklar, natijalar va qiziqarli voqealarni futbol ishqibozlari uchun tezkor yoritishda davom etadi. Yangi mavsumda siz qaysi jamoaning chempion bo‘lishini taxmin qilyapsiz? Kommentariyda yozing!
