Bahodir Jalolov Nyu-Yorkdagi boks kechasida Italyan raqibga qarshi
27 iyul kuni AQSHning yirik megapolisi Nyu-York shahrida professional boks kechasi bo‘lib o‘tishi kutilmoqda. Bu boks oqshomi jahonning turli burchaklaridan kelgan mahoratli sportchilar ishtirokida yuqori saviyada tashkil etiladi. Boshqa jangovar to‘qnashuvlar qatorida o‘zbekistonlik yulduz Bahodir Jalolov ham muxlislar diqqat markazida bo‘ladi.
Hamyurtimiz Jalolov bu safar Italiya boks maktabining yetakchi vakillaridan biri — Janmarko Kardilo (12 g‘alaba, 1 mag‘lubiyat, 2 durang, 2 KO)ga qarshi ringga ko‘tariladi. Jalolov shu paytgacha professional maydonda 15ta jang o‘tkazgan, barchasini g‘alaba bilan yakunlagan va ulardan 14 tasida raqiblarini nokautga uchratgan. Bu uning hozirda qanday sport formasida ekanini yana bir bor tasdiqlaydi.
Mazkur oqshomdagi asosiy jang esa yarim yengil vazn toifasida WBC kamari uchun kurashadigan Bryus Karrington va Mateus Geyta o‘rtasida bo‘ladi. Karrington va Geyta bu chempionlik kamari uchun qattiq to‘qnashuv o‘tkazishi kutilmoqda.
Boks kechasi Nyu-York sport muhitini yanada qizitib, jahon ommaviy axborot vositalari, boks mutaxassislari va sport jamoatchiligi diqqatini tortadi. Har bir jang, ayniqsa, Bahodir Jalolovning ringdagi harakatlari o‘zbekistonlik sport ixlosmandlari uchun ham alohida qiziqish uyg‘otmoqda.
Shu sabab, muxlislar 27 iyul kuni boksning yuksak muhitida yurtimiz sharafini munosib himoya qiladigan Jalolovdan navbatdagi galaba va kuchli taassurotlarni kutmoqda.
