Arsenal Moskerani transfer qilish uchun muzokaralar olib bormoqda

Londonning Arsenal klubi Valensiyaning markaziy himoyachisi Kristian Moskera bilan transfer bo‘yicha muzokaralar olib bormoqda. Bu haqida Euro-football.ru xabar berdi.

Futbol bo‘yicha taniqli insayder Fabrizio Romano xabariga ko‘ra, 20 yoshli ispaniyalik futbolchi ingliz klubiga o‘tishga dastlabki roziligini bildirgan. Manbalar ma’lumotiga ko‘ra, tomonlar hozircha muzokaralarning dastlabki bosqichida turibdi.

Shuningdek, Parijning PSJ klubi ham Moskera bilan qiziqish bildirgan, ammo hozirda futbolchi uchun asosiy variant Arsenal hisoblanmoqda. O‘tgan mavsumda Kristian Moskera barcha musobaqalarda Valensiya safida 41 o‘yinda maydonga tushib, bitta gol urgan. Uning ispaniyalik klub bilan amaldagi shartnomasi 2026-yil 30-iyungacha tuzilgan.

Transfermarkt ma’lumotlariga ko‘ra, futbolchining bozor qiymati taxminan 30 million yevroni tashkil etadi. Arsenal klubi Moskera bilan kelishuvga erishishi bilan markaziy himoyachilar safini kuchaytirmoqchi.

Klub rahbariyati yosh va salohiyatli futbolchilarga e’tibor berib, kelajak uchun jamoani mustahkamlashni maqsad qilgan.