Tottenxem jamoasining markaziy himoyachisi Kristian Romero yozgi transfer oynasida klubni tark etishi ehtimoli kam. Bu haqida Euro-football.ru xabar berdi.
Turli manbalar argentinalik futbolchining Madridning Atletiko jamoasiga o‘tishi yaqinligi haqida xabarlar bergan, ammo tomonlar o‘rtasida kelishuvga erishilmadi. Mashhur futbol jurnalisti Fabrisio Romano ma’lumotiga ko‘ra, 27 yoshli futbolchi joriy transfer oynasida hech qanday kutilmagan holat yuz bermasa, klubni tark etmaydi.
Transfermarkt mutaxassislarining bahosiga ko‘ra, Kristian Romeroning qiymati 50 million yevroga teng. Hozirgi vaqtda futbolchining London klubi bilan tuzilgan shartnomasi 2027 yil o‘rtalarigacha amal qiladi.
Shu sababli, jamoa rahbariyati va futbolchi kelgusida ham hamkorlikni davom ettirishga tayyor.
