Foxconn zavodi iPhone 17 ishlab chiqarishni oshirmoqda
Apple kompaniyasining yangi avlod smartfonlari – iPhone 17 seriyasi jahon bozoriga chiqarilmoqda. Bu haqida Zamin.uz xabar berdi.
Ushbu jarayonda Xitoyning ishlab chiqarish quvvati muhim rol o‘ynamoqda. Mahalliy Sinxua agentligi xabariga ko‘ra, Chjenchjou shahridagi Foxconn zavodi iPhone yig‘ishning asosiy markazi hisoblanadi.
Bu zavod dunyodagi eng yirik ishlab chiqarish maydonlaridan biri bo‘lib, Xitoyning elektron sanoatidagi o‘rnini mustahkamlashda katta ahamiyatga ega. Hozirda zavod to‘liq quvvat bilan faoliyat yuritmoqda.
Korxona rahbariyatining ta’kidlashicha, jahon bozoridagi talabni qondirish maqsadida ishchi kuchini oshirish ishlari olib borilmoqda. Zavod ishga qabul qilish markazi oldida har kuni minglab nomzodlar navbatda turibdi.
Foxconn kadrlar bo‘limi rahbari ixborotiga ko‘ra, iyul oxiridan buyon har kuni minglab ishchilar ishga qabul qilinmoqda va bu jarayon sentyabr oxirigacha davom etishi kutilmoqda. Zavodda o‘n minglab vaqtinchalik ishchilar yig‘ish, sifat nazorati va qadoqlash kabi jarayonlarda faol qatnashadi.
Mahalliy ishchilardan biri, Xenan provinsiyasidan bo‘lgan Chjao Yanxuey, uch oy davomida o‘z va turmush o‘rtog‘ining 40 ming yuandan ortiq daromad olishini aytdi. Bu mintaqadagi o‘rtacha maoshdan ancha yuqori hisoblanadi.
Shuningdek, Chjenchjou shahri xalqaro transport markaziga aylangan. Bu yerda sakkizta yirik havo yo‘nalishi faoliyat yuritadi va Yevropa, Amerika hamda Osiyoning 24 mamlakati bilan to‘g‘ridan-to‘g‘ri aloqalar o‘rnatilgan.
Yangilangan iPhone seriyasi mahsulotlari butun dunyo bo‘ylab havo, temir yo‘l va avtomobil transporti orqali yetkazib beriladi.
