Marvel kinostudiyasi va “O‘rgimchak odam: Yangi kun” filmining ijodkorlari Marvel kino olamining muxlislari uchun kutilmagan yangilik taqdim etdi. Bu haqda Zamin.uz xabar berdi.
Yangi filmda yangi antagonist — “Go‘rkov” nomli qo‘rqinchli dushman namoyon bo‘ladi. Ushbu rolni aktyor Mavrin Jons III ijro etadi.
U avval “O‘rgimchak odam: Olamlar aro” animatsion kartinasida ham shu qahramonga ovoz bergan edi. Komikslarda “Go‘rkov” Nyu-York jinoyat olamining yetakchilaridan biri sifatida tanilgan va Piter Parker bilan doimiy raqobatda bo‘ladi.
Bundan tashqari, u “O‘rgimchak odam: Koinotdan tashqarida” animatsion filmida ham ko‘rinish beradi. Yangi filmning ishlab chiqarilishi 2025 yil avgust oyida boshlandi.
Asosiy rollarda Tom Xolland (O‘rgimchak odam), Zendaya (Meri Jeyn) va Jeykob Batalon (Ned) qayta ishtirok etadi. Shuningdek, internetda “Yashil goblin” rolini kim ijro etishi mumkinligi haqidagi mish-mishlar tarqalmoqda.
Bundan tashqari, Mark Ruffalo Xalk sifatida yanada tahlikali obrazda paydo bo‘lishi mumkinligi ham muhokama qilinmoqda. Kartinani rejissyor Destin Deniyel Kretton boshqaradi.
Ssenariyni tajribali Kris Makkenna va Erik Sommers yozgan. Film 2026 yil 31 iyulda jahon kinoteatrlarida namoyish etilishi rejalashtirilgan.
Ushbu yangi qism Marvel kino olamida muhim voqea bo‘lishi kutilmoqda.
