Madriddan Granadaga olib ketilayotgan Pablo Pikassoning 1921 yilda yaratilgan “Gitara bilan natyurmort” nomli asari g‘oyib bo‘ldi. Bu haqda Zamin.uz xabar berdi.
Bu haqda Euronews xabar berdi. Ma’lumotlarga ko‘ra, guash uslubida chizilgan ushbu asar CajaGranada fondi tomonidan tashkil etilgan “Natyurmort.
La eternidad de lo inerte” ko‘rgazmasida namoyish etilishi rejalashtirilgan edi. Biroq, o‘lchami 12,7x9 santimetr bo‘lgan bu kichik asar o‘z manziliga yetib bormagan.
Rasm Madriddagi Pio XII qarorgohidan san’at asarlarini tashish bo‘yicha ixtisoslashgan kompaniya tomonidan yetkazilgan. Asar 25 sentyabrda boshqa kartinalar bilan birga omborga joylashtirilib, keyin Granadaga jo‘natilgan.
Ko‘rgazma 2 oktyabrda ochilgan, asarlar esa 3 oktyabr kuni soat 10:00 da madaniyat markaziga yetkazilgan. Shu kechasi kartinalar Deyfontes shahrida bo‘lgan.
Tergovchilar fikricha, aynan shu hududda Pikassoning asari o‘g‘irlangan bo‘lishi mumkin. 10 oktyabr kuni CajaGranada fondi politsiyaga rasmiy shikoyat bilan murojaat qilganidan so‘ng, Milliy politsiyaning tarixiy meros brigadasi tergovni boshlagan.
Hozircha rasmning qayerdaligi noma’lum bo‘lib, hech kim qo‘lga olinmagan. Tergov ishlari davom etmoqda.
Ushbu voqea san’at sohasida katta e’tiborni jalb qilgan holda, Pikassoning noyob asarining qaytarilishi uchun izlanishlar olib borilmoqda.
