Yulduz Usmonova va Xamdam Sobirovdan yangi duet
O‘zbekiston xalq artisti Yulduz Usmonova va taniqli xonanda Xamdam Sobirov ijodiy hamkorlikda yangi qo‘shiq taqdim etdi. Bu haqda Zamin.uz xabar berdi.
“Daryo-daryo” deb nomlangan ushbu duet bugun rasmiy premyera qilindi va ijtimoiy tarmoqlarda keng e’tibor qozondi. Qo‘shiqning so‘zlari va musiqasi Xamdam Sobirov tomonidan yozilgan.
U so‘nggi yillarda muvaffaqiyatli qo‘shiqlari bilan tanilgan ijodkorlardan biri hisoblanadi. Tarona aranjirovkasini esa Temur Rahmonov amalga oshirgan.
Qo‘shiq uchun maxsus klip ham suratga olingan. Klipda retro uslubga alohida urg‘u berilgan bo‘lib, unda o‘tgan davrlarning muhitini aks ettiruvchi yorqin ranglar, klassik dekorlar va o‘ziga xos atmosfera namoyon etilgan.
Mazkur duet ko‘plab tinglovchilar uchun kutilmagan hamkorlik bo‘lib, u muxlislar orasida katta qiziqish uyg‘otmoqda. Yulduz Usmonova va Xamdam Sobirovning bu ijodiy loyihasi musiqiy olamda yangi bir nafas sifatida baholanmoqda.
