«Motorlar jangi» filmi tizeri taqdim etildi

Ivan Yankovskiy va Yura Borisov bosh rollarni ijro etgan «Motorlar jangi» nomli sport dramasining ilk tizeri taqdim etildi. Bu haqda Zamin.uz xabar berdi.

Ushbu film «Central Partnership» kinokompaniyasi tomonidan suratga olingan. Film voqealari tomoshabinlarni XX asrning boshlariga, ya’ni 1908 yilga olib boradi.

Syujet avtomobil ishqibozi Andrey Nagel va muhandis Dmitriy Bondarevning jasoratli tajribasiga asoslangan. Ular birgalikda «Russo-Balt» avtomobilini yaratib, uning imkoniyatlarini murakkab sharoitlarda isbotlashni maqsad qiladilar.

Filmda qahramonlarning oldida katta sinovlar turadi. Loyihaning davom etishi xavf ostida qolganida, Andrey Nagel barchasini birdan hal qilish uchun jasoratli qaror qabul qiladi.

U mashhur Monte-Karlo rallisida qatnashishga qaror qiladi va bu orqali avtomobilning kuchini namoyish etishni rejalashtiradi. «Motorlar jangi» filmi allaqachon yilning eng kutilgan premyeralari qatoridan joy olgan.

Mazkur filmning premyerasi 8-oktabr kuni bo‘lib o‘tishi rejalashtirilgan.